E ashtuquajtura ‘Zyrë për Kosovë e Metohi’ ka publikuar sot përmes një komunikate se një shqiptar ka plaçkitur dhe përdhosur sipas tyre tre kisha serbe në Zubin Potok brenda janarit. Sipas tyre i dyshuari është arrestuar, transmeton Gazeta Metro.
Sipas komunikatës së tyre vjedhja e fundit prej tre rresht sa kanë ndodhur në janar ishte kryer fundjavën e kaluar e cila ishte përdhosur poashtu.
Sipas tyre kishat e vjedhura jo vetëm janë vjedhur paratë dhe gjëra tjera me vlerë, por gjatë plaçkës i janë përdhosur dhe thyer reliktet kishtare.
I dyshuari shqiptar – siç e theksojnë -është arrestuar në Zubin Potok nën dyshimin për vjedhjen e këtyre kishave. Nuk ka hollësi të tjera rreth rastit e as të dyshuarit në këtë pretendim.
Në komunikatën e zyrës serbe theksohet konotacioni i motivit etnik dhe ankohen se i gjithë komuniteti shqiptar e paska këtë qasje ndaj trashëgimisë kulturore serbe dhe një pasqyrim i rrethanave të nxitura nga liderët politik në Prishtinë, sipas tyre.
Në fund të vitit të kaluar kjo zyrë kishte pretenduar se krimet me motive etnike ndaj serbëve në Kosovë ishin dyfishuar.