Gjatë 24 orëve të fundit, kanë ndodhur dy raste të suImit ndaj zyrtarëve policorë në Prishtinë.
Rasti i parë ka ndodhur mbrëmë në mesnatë në Prishtinë në rrugën “Dëshmorët e Kombit”, ku një person është arrestuar nga Policia e Kosovës, pasi që i njëjti në gjendje të dehur ka suImuar dy zyrtarë policorë.
I dyshuari nuk iu kishte bindur urdhrave të zyrtarëve policorë dhe të njëjtit i ka sulmuar fizikisht, pasi që policët i kanë shqiptuar gjobë për shkelje të masave anti-COVID.
Sipas policisë njëri nga zyrtarët policorë nga plagët e marra ka pranuar tretman mjekësor.
I dyshuari me vendim të prokurorit është dërguar në mbajtje dhe ndaj tij është iniciuar rasti si “SuIm ndaj personit zyrtar”.
Ndërkaq, rasti i dytë ka ndodhur në rrugën “Fahri Fazliu”, gjatë orës 04:30, ku një person pas pranimit të një tikete kundërvajtje ka kanosur verbalisht zyrtarët policorë dhe ka suImuar fizikisht njërin prej tyre.
Me këtë rast polici ka pranuar tretman mjekësor, ndërkaq i dyshuari është arrestuar dhe ndaj tij është hapur rasti si “Kanosje dhe suIm ndaj personit zyrtar”.