Ish-deputeti i Kuvendit të Kosovës, Ramiz Kelmendi ka komentuar zhvillimet e fundit në vend dhe protestat që serbët kanë organizuar ditën e premte në veri.
Kelmendi përmes një postimi në rrjetin e tij social ka thënë se Serbia po luan viktimën para syve të botës, duke shtuar se pakicat serbe kudo gjatë historisë kanë shprehur pakënaqësi, duke tentuar të krijojnë “Serbinë e Madhe” në kurriz të shteteve përreth.
Ai ka pohuar se duke pasur parasysh të gjitha këto zhvillime, shkëmbimi i territoreve mbetet zgjidhja e vetme.
“ Cila prej tyre është më pak e dhimbshme (për mua kishte me qenë më e mira ti kishim pasur në suazat e demokracisë tonë te dyja). Por e kapshme mbetet shkëmbimi kualitativ i territoreve. Çdo zgjidhje tjetër do jetë e dëmshme dhe e përhershme për zhvatjen politike të Serbisë ekonominë dhe pozitën tonë ndërkombëtare”, ka shkruar ai.
Postimi i tij:
Serbia është perfide në luajtjen e viktimës para syve të Botës
Fjala e drejtë e thënë për çështje me rëndësi Kombëtare – Patriot/Tradhëtar
Me duhet ti them dy fjali për çështjen e Protestave të orkestruara nga Serbia,e me të cilat qeveria e Serbisë po dhunon qytetarët serb që jetojnë dhe veprojnë në Kosovë.
Ne nga historia e dijmë se pakicat serbe kudo gjatë historisë, në Jugosllavi kanë shpallur pakënaqësi, duke tentuar që të krijojnë Serbinë e madhe në kurriz të shteteve përreth! Çdo herë duke inskenuar edhe vrasje, gjenocide ndaj popullit të vet në mënyrën më brutale e duke arritur që ti njollosin popujt tjerë / Shembulli i freskët, Kafeteria ‘Panda’ e frekuentuar vetëm nga të rinjët serb dhe malazez, ku vet shteti kreu masakër dhe akuzoi UÇK-në! U vranë nga shteti fëminjët e të gjithë atyre udhëheqësve e kompanive shtetërore të kohës, të cilët nuk respektuan largimin e punëtorëve nga puna – që ishte direktivë politike e asaj kohe. Me këtë Serbia tentonte të tregonte se kinse sa të paskrupullt janë shqiptarët që vrasin edhe femijët pa dallim.
Për këtë edhe blerja e Emblemave të UÇK-së në tregun e Prishtinës dëshmon tentimin që të përsërisin të njëjtin skenar.
Por, kjo pakënaqësi e orkestruar për ti treguar politikës ruse dhe qytetarëve rus se duhet përmbajtur Putinin dhe duhet intervenuar edhe në Kosovë (dhe mund të shihen protestat në mbështetje të serbëve në Kosovë), por kjo edhe nxite nacionalizëm të tepuar serb në Serbi.
Duke i ditur këto pakënaqësi, e ku jam dëshmitarë i shumë të tillave gjatë jetës time sikur edhe brezi im, nxjerrë një konkluzë se duhet ndërmarr aktivitete politike që dërgojnë të ardhmen e Kosovës në drejtim stabil dhe te duhur. Shembull!
– Kosova pa pjesën veriore dhe me pjesën e Kosovës Lindore
Se pari largohemi nga shantazhet, destabilizimi (nuk do ta paguajnë rrymën kurrë, nuk do punojnë asnjëherë për Kosovën dhe pagat e tyre).
Së dyti, çdo pakënaqësi e emituar në Kosovë i shtyp dhe dëbon shqiptarët në Kosovën Lindore.
Cila prej tyre është më pak e dhimbshme (Për mua kishte me qenë më e mira ti kishim pasur në suazat e demokracisë tonë te dyja). Por e kapshme mbetet shkëmbimi kualitativ i territoreve. Çdo zgjidhje tjetër do jetë e dëmshme dhe e përhershme për zhvatjen politike të Serbisë ekonominë dhe pozitën tonë ndërkombëtare.
Ne na mbetet të gjykojmë me kokën e ftohtë, pa parathënie dhe pasthënie që linçojnë të gjithë ata që me fjalën e tyre garantojnë të ardhmen e tërsishme sipërfaqësore dhe kombëtare. (Kosova, fatkeqësisht, çdo herë duke u linçuar tradicionalisht është zvogëluar edhe me hapësirë si dhe me ndarje të popullit).