Futbollisti Urani Bislimi ka refuzuar Kombëtaren e Kosovës duke pritur për një ftesë nga Zvicra, ndërsa sipas mediave në Serbi ai ka bërë mirë pasi ka refuzuar siç e quan portali “shtetin e rrem” dhe e ka pranuar kombëtaren e vet Zvicrën.
“Arsyeja e dorëheqjes së tij është shumë e thjeshtë. Bislimi nuk dëshiron të luajë për një vend fals dhe se dëshiron që një ditë ta veshë fanellën e kombëtares së Zvicrës”, ka shkruar Informer.rs. duke vazhduar, transmeton Demokracia.
“Uran Bislimi vendosi të vazhdojë trendin e Granit Xhakës, Xherdan Shaqirit, Ardon Jasharit, Andi Zeqirit dhe t’i qëndrojë “besnik” Zvicrës. Bislimi ka lindur në Bazel, ka luajtur për kombëtaren e të rinjve të Zvicrës, e më pas ka pranuar ftesën e vendit të rrejshëm dhe ka debutuar për Kosovën në nëntor të vitit të kaluar në ndeshjet kundër Armenisë dhe Ishujve Faroe”, ka përfundar portali.
Lidhur me refuzimin e Bislimit ka folur ditë më parë menaxheri i kombëtares Bajram Shala.
Shala tha se Bislimi e ka refuzuar sërish Kosovën, derisa Berishën e kanë pritur katër vjet.
“Uran Bislimi për herë të dytë refuzon Kosovën. ’Mërgim Berishës i kemi ofruar gjithçka, deri në detajet e fundit. Berishën e kemi pritur katër vjet e gjysmë, madje në tetor të vitit 2019 sa ka qenë pjesë e Salzburg, ai ka konfirmuar ardhjen e tij te Kosova.” , tha Shala.
Ndryshe, Uran Bislimi luan për FC Lugano, si mesfushor qendror.
Të shtunën më 25 mars, Kosova do të luajë si mysafir kundër Izraelit ndërkaq të marten më 28 mars, si vendas ndaj Andorras.