Gazetari i Radio Televizionit të Kosovës (RTK’së), Ridvan Berisha, ka replikuar ashpër me një protestues serbë në Washington, duke i thënë se Kosova është e pavarur. Protestuesi në fjalë fillimisht kishte thënë që Kosova është Serbi me anë të një zmadhuesi të zërit dhe kjo padyshim e ka irrituar gazetarin Berisha, shkruan Kosova ime.
Sot Kosova dhe Serbia kanë nënshkruar një marrëveshje në Shtëpinë e Bardhë, për normalizimin ekonomik.
Mirëpo dikujt atje nuk i pëlqej nënshkrimi i kësaj marrëveshje nga pala serbe.
Një grup i vogël i njerëzve protestuan jashtë shtëpisë së bardhë dhe të cilët kanë brohoritur kundër marrëveshjes.
E gazetarit të RTK’së, Ridvan Berisha, i doli punë atje me një protestues serbë.
Derisa ai po intervistonte përfaqësues të Lobit shqiptar në Amerikë, dikush brohoriste me megafon që “Kosova është Serbi”. Kjo e ka irrituar gazetarin Berisha dhe më pas iu kthye me tone kundërshtuese.
“Zotëri Kosova është e pavarur dhe ju e dini këtë. Kosova është e pavarur”, kanë qenë replikat e Berishës me të.
Më poshtë keni edhe këtë moment që ka ndodhur afër Shtëpisë së Bardhë.