Milot Rashica është rikuperuar nga lëndimi dhe do të rikthehet në fushën e lojës.Këtë e ka konfirmuar vetë trajneri gjerman i skuadrës nga “Weser Stadion”, Florian Kohfeldt.
- Advertisement -
Tekniku e pranoi në konferencën për shtyp se për takimin e së shtunës ndaj Freiburgut në dispozicion do t’i ketë të gjithë lojtarët, përfshirë edhe djaloshin kosovar.
Rashica, u lëndua në ndeshjen me Moldavinë dhe ishte në pikëpyetje angazhimi i tij në xhiron e parë të Bundesligës pas rikthimit nga ndeshjet ndërkombëtare.
Por, futbollisti pritet të ketë minuta të rezervuara, me shpresën se do të ndikojnë pozitivisht tek ai për vazhdim të edicionit.