Emisari Special i BE-së për dialogun Kosovë-Serbi, Miroslav Lajcak, ka vizituar pikëkalimin e përbashkët kufitar në Mutivodë gjatë rrugës për në Beograd.
Lajcak ka thënë se shpreson që ky pikëkalim kufitar të shfrytëzohet nga dy palët, Kosova e Serbia.
“Rrugës nga Prishtina për në Beograd, vizitova objektin e pikëkalimit të përbashkët kufitar të ndërtuar nga BE-ja. Është rezultat konkret i dialogut të ndërmjetësuar nga BE-ja, përfitues për të gjitha komunitetet dhe lirisë së tyre të lëvizjes. Shpresoj ta shoh së shpejt në operim të plotë dhe të shfrytëzueshëm nga dy palët”, ka shkruar ai.
On my way from Pristina to Belgrade, I visited the EU-built facilities of the Crossing Point Mutivode. It’s a concrete result of the EU-facilitated Dialogue beneficial to all communities and their freedom of movement. Hope to soon see it fully operational and used by both Parties pic.twitter.com/4vZvgFwdFz
— Miroslav Lajčák (@MiroslavLajcak) February 2, 2022