Shumë pacientë me Covid duhet të transportohen me aeroplan për në Zvicër, pasi ata nuk mund të kthehen në shtëpi në mënyra të tjera.
Sipas Bilck, kostot e një fluturimi me kompani ajrore zvicerane që disponon avionë specialë për bartjen e pacientëve që sëmuren edhe jashtë Zvicrës ‘Rega’ janë rreth pesë shifror.
Një fluturim kushton midis 10,000 dhe 20,000 franga zvicerane dhe nuk mbulohet nga sigurimi shëndetësor.
Vetëm në gusht, kjo kompani riatdhesoi më shumë se njëzet njerëz (20) nga Ballkani, të infektuar me Covid dhe në gjendje të rëndë, të cilët e patën të pamundur të kthehen vetë në Zvicër.
“Në ditët në vijim, do të na duhet të riatdhesojmë edhe 40 pacientë me kujdes intensiv për në Zvicër. 90% e tyre janë pacientë me Covid dhe 40% e tyre vijnë nga zona të ndjeshme në Ballkan, pra nga Kosova dhe Maqedonia e Veriut ”, shpjegon për Blick Martin Huser, Drejtor Menaxhues i Medicall i Rega.