Sami Lushtaku, kryetar i degës së PDK’së në Skenderaj, ka figuruar në fotografinë e listës zgjedhore me të cilën do të garojë subjekti politik për zgjedhjet komunale më 17 tetor.
Në listën zgjedhore të PDK’së, dega Skenderaj, të publikuar në llogarinë e tyre në rrjetin social ‘Facebook’, në fotografi është kandidati aktual i PDK’së për kryetar të Skenderajt, Fadil Nura, si dhe ish-kandidati i këtij subjekti politik për të njëjtën komunë, Sami Lushtaku, shkruan Gazeta Express.
Lushtakut nuk iu është mundësuar të kandidojë, ndonëse ka qenë i përzgjedhuri i Kryesisë së PDK’së për Skenderajn.
Paneli Zgjedhor për Ankesa dhe Parashtresa e ka cilësuar si të pabazuar apelin e Sami Lushtakut për të kandiduar për kryetar komune, i cili më pas e ka çuar në instancën më të lartë gjyqësore, në Gjykatën Supreme.
Supremja, më pas, ia vërtetoi dënimin ish-kryetarit të Skenderajt, duke ia pamundësuar garimin në zgjedhjet lokale të këtij viti.
Kandidati aktual për kryetar të Skenderajt nga ana e PDK’së, i certifikuar nga KQZ, Fadil Nura.