Presidenti serb, Aleksandër Vuçiq tash e një kohë të gjatë po insiston në jetësimin e projektit të “Ballkanit të Hapur”, ku ka marrë përkrahje të madhe nga kryeministri i Shqipërisë, Edi Rama dhe kryeministri i Maqedonisë, Zoran Zaev.
Mirëpo, kjo gjë u kundërshtua nga kryeministri i Kosovës, Albin Kurti.
Kurse, zyrtari i Lëvizjes Vetëvendosje, Arbër Zaimi ka përmendur edhe pasojat që mund të vijnë, nëse një gjë e tillë realizohet
Zaimi në një intervistë u shpreh se duke marrë parasysh që Serbia orientimin politika nga Rusia, jetësimi i projektit të “Ballkanit të Hapur” është i rrezikshëm.
Ai përmendi edhe marrëveshjet e tregtisë së lirë që shteti serb ka bërë me Unionin Euroaziatik me qendër në Rusi.
“Serbia ka nevojë për një klasë politike demokratike e me orientim evropian. Klasa aktuale me rrënjë miIosheviçiane e rankoviçiane orientimin e ka nga “Eurazia” e Putinit, edhe kur bën lojë bivektoriale. Në 10 korrik Serbia lidhi marrëveshje të tregtisë së lirë me Unionin Euroaziatik me qendër Rusinë”, deklaroi Zaimi.
Krahas kësaj, zyrtari i LVV-së u shpreh se Serbia po armatoset me armë dhe dronë kinezë, jo për ta Iuftuar NATO-në, por për të shkaktuar trazira në Ballkan në momentin e tërheqjes së trupave amerikan.
“Serbia strehon baza ruse, dhe është i vetmi vend evropian që blen arm*ë e drona kinezë. Serbia është vendi me buxhet më të madh ushtarak në Ballkanin Perëndimor. Ajo sigurisht nuk ar*atoset që të Iuftojë me NATO-n. Por, periudha e presidencës Trump dëshmoi se prezenca e trupave amerikan dhe atyre të NATO-s në rajon, mund të mos jetë e përhershme në të ardhmen”, theksoi ai.
Në vazhdim, Zaimi paralajmëroi se në rast të tërheqjes së trupave amerikan, në Ballkan do të krijohet situatë e ngjashme si me talibanët në Afganistan.
Po ashtu, ai përmendi edhe refuzimin e Vuçiqit për mos nënshkrimin e paktit të mos suImimit të Kosoës.
“Një tërheqje e trupave amerikane, do të krijonte një situatë të ngjashme si në Afganistan, ku tash po kthehen talibanët. Talibanët, paralelen e dëshirës për dh*në e agr*sion në Ballkan nuk e kanë te populli serb, por te kjo klasë politike e Serbisë. Vuçiqi nuk pranon as në vitin 2021 të nënshkruajë pakt mossuImimi me Kosovën”, nënvizoi Zaimi.
Në fund, ai kërkoi nga vendet e Ballkanit që ta ‘eliminojnë’ Vuçiqin nga skena politike e Serbisë.
“Do të ishte mirë që vendet e tjera të Ballkanit, si Shqipëria e Maqedonia Veriore, ta izoIonin Vuçiqin, deri në momentin kur vetë qytetarët e Serbisë ta largonin këtë klasë politike, dhe të afronin udhëheqës të rinj, demokratë e pa komplekse për dë*imin e kr*meve”, përfundoi Arbër Zaimi.