Parlamenti i Pakistanit ka zgjedhur Shebbaz Sharif si kryeministër të ri të vendit pas shkarkimit të Imran Khan në fundjavë.
Përpara votimit të hënën, ligjvënësit nga partia e Khanit, Tehreek-e-Insaaf (PTI) dhanë dorëheqjen masivisht, duke bojkotuar zgjedhjen e Sharif, vëllait të vogël të kryeministrit Nawaz Sharif. Sipas Aljazeera, ceremonia e betimit do të mbahet të hënën. Votimi u mbajt nën masa të rrepta sigurie.
Sharif, i cili udhëhoqi përpjekjet e opozitës për të shkarkuar Khan, ka premtuar se qeveria e tij do të përmirësojë ekonominë dhe nuk do të kërkojë hakmarrje nga kundërshtarët politikë.
Udhëheqësi 70-vjeçar vjen nga një familje industrialistësh që është kthyer në një dinasti politike.
Ai u zgjodh në Asamblenë Kombëtare në vitin 2018 dhe drejtoi partinë e Ligës Muslimane të Pakistanit-Nawaz (PML-N) pasi vëllai i tij më i madh u ndalua të mbante poste publike përgjithmonë pasi u shpall fajtor për korrupsion.
Khan, një lojtar i kriketit i kthyer në politikan, u shkarkua në orët e para të së dielës pasi 174 deputetë votuan kundër tij në parlament.