Avokati Gazmend Halilaj, përmes një shkrimi në facebook, ka shpërthyer me akuza kundër politikanëve në Kosovë.
Ai shkruan se, duhet të njoftohen gjeneratat e reja që Kosova në kohë paqe e coptoi territorin e saj.
Tutje, në këtë shkrim Halilaj, shprehet se, Kosova është i vetmi vend në botë që për çështje të brendshme kërkonte pëlqimin nga Aleksandër Vuçiqi, siç shprehet ai, nga ministri i kasapit të Ballkanit, Sllobodan Millosheviq.
Avokati shkruan se, Kosova gjithashtu është i vetmi vend në botë që institucionet e drejtësisë u gjunjëzuan para atyre që kryenin vrasje të intelektualëve.
Reagimi i plotë:
Miq të dashur, njoftoni gjeneratat e reja që: në (20) vitet e pas luftës i vetmi vend në botë që coptoi territorin e saj në kohë -PAQE ishte Kosova.
I vetmi vend në botë, që propozoi krijimin e asociacionit me kompetenca ekzekutive brenda territorit të saj ishte Kosova.
I vetmi vend në botë që, për çështje të brendeshme kërkonte pëlqimin nga ministri i kasapit të Ballkanit A.Vuçiq.
I vetmi vend në botë që, për 20 vite pas lufte institucionet e drejtësisë u gjunjëzuan para atyre që kryen seri të vrasjeve të Intelektualëve te saj “vetëm pse mendonin ndryshe”.