Estonia do të dërgojë ndihmë ushtarake shtesë në Ukrainë në formën e raketave antitank Javelin dhe municioneve kundërajrore, njoftoi Ministri i Mbrojtjes i Estonisë Kusti Salm.
“Ne do të ofrojmë ndihmë ushtarake shtesë për Ukrainën. 25,000 pako me ushqime të gatshme, pajisje mjekësore, pajisje personale, municione, një grup shtesë raketash Javelin dhe municione kundërajrore do të dorëzohen,” tha Salm në një konferencë për media.
Koloneli Margo Grossberg, komandant i Qendrës së Inteligjencës së Mbrojtjes së Estonisë, dha gjithashtu një pasqyrë të situatës aktuale në Ukrainë, duke thënë se “rezistenca e ukrainasve ka qenë e rëndësishme dhe e mirë”.
Kujtojmë se grupi i parë i raketave antitank Javelin të dhuruara nga Estonia mbërriti në Ukrainë më 18 shkurt.
Presidenti i Estonisë Alar Karis tha se presidenti rus Vladimir Putin kishte nënvlerësuar qëndrueshmërinë e Ukrainës dhe se sanksionet mund ta detyrojnë Putinin t’i japë fund Iuftës.
Më 24 shkurt, Moska sulmoi Ukrainën dhe filloi Iuftën. Ligji ushtarak është vendosur në të gjithë Ukrainën.