Shtyhet takimi për 4 shtator mes Kosovës dhe Serbisë në Washington, kjo është arsyeja

Është shtyer takimi mes liderëve të Kosovës dhe Serbisë në Shtëpinë e Bardhë në Washington, për 4 shtator.

Ky takim zyrtarisht është zhvendosur nga data 2 shtator në datën 4.

Kështu ka bërë të ditur zëdhënësi i Këshillit të Sigurisë Kombëtare, John Ullyot.

“Këshilltari i Sigurisë Kombëtare Robert O’Brien ka ftuar liderët e Serbisë dhe Kosovës në Washington me 4 shtator. Bisedimet u shtynë për dy ditë nga 2 shtatori për shkaqe të agjendës.”

“Shtetet e Bashkuara shpresojnë në këto diskutime të rëndësishme me Presidentin Vuçiq dhe Kryeministrin Hoti. Ne besojmë se përparimin në çështjet ekonomike, përfshirë këtu krijimin e vendeve të punës dhe përshpejtimin e rritjes ekonomike, është hapi i parë në përparimin e procesit të paqes.”