Këngëtari britanik James Blunt ka qenë bashkë me trupat e NATO-së në Kosovë. Siç kishte rrëfyer në një intervistë për BBC, Blunt kishte treguar se si kishte refuzuar një urdhër për t’i sulmuar trupat ruse.
Blunt kishte thënë se ishte i gatshëm të rrezikonte ballafaqimin në gjykatë ushtarake duke kundërshtuar urdhrin e një gjenerali të SHBA.
Megjithatë ai kishte treguar se ishte përkrahur nga gjenerali i Ushtrisë Britanike, Sir Mike Jackson, i cili i kishte thënë “ Unë nuk dua që ushtarët e mi të jenë përgjegjës për nisjen e Luftës së Tretë Botërore”.
Blunt ishte urdhëruar që të zinte hapësirën e aeroportit, por rusët kishin arritur të parët. Këngëtari Britanik kishte treguar se si kishte marrë urdhrin për të larguar nga aty mbi 200 ushtarë rusë.
“Unë isha oficer drejtues për ushtarët që kisha mbrapa”, kishte treguar Blunt.
James Blunt ka treguar se si komanda i kishte ardhur nga gjenerali amerikan Wesley Clark për t’i mposhtur rusët që kishin zënë aeroportin. Ai thotë se Clarck i kishte thënë fjalë të shumta, derisa në radio lidhje i kishte ardhur fjala “shkatërrim”.