Zgjedhjet presidenciale amerikane do të mbahen pas 47 ditëve gjersa kandidatët janë në vlugun e madh të kampanjës.
Donald Trump, kandidati republikan synon një mandate të dytë në Shtëpinë e Bardhë gjersa republikani, Joe Biden, ka qenë zëvendëspresident nën presidencën e Barack Obamës, raporton CNN.
Tashmë edhe kompani të ndryshme, por edhe mediumet kanë filluar të bëjnë sondazhe të përjavshme se kush do të jetë presidenti i ardhshëm i SHBA-ve, transmeton Telegrafi.
Biden vazhdon të udhëheq në të gjitha sondazhet e gjertanishme, por që kohët e fundit ka filluar të humb shkëlqimin e një muaji më parë.
Sipas sondazheve më të fundit të realizuara nga televizioni FOX News, demokrati ka një epërsi prej 5 për qind kundrejt republikanit.
Krahasuar me sondazhin e organizuar në muajin gusht, Trump ka ngushtuar dallimin me Bidenin, i cili atëbotë kryesonte me 10 për qind.
Ndryshe, zgjedhjet për presidentin e ri amerikan do të mbahen më 3 nëntor (e martë)