Presidenti rus Vladimir Putin personalisht kishte autorizuar një operacion të agjencive të spiunazhit për të mbështetur Donald Trumpin që e quante “mentalisht jostabil” që të bëhej president i ShBA-ve në zgjedhejt e vitit 2016 gjatë një sesioni të mbyllur të këshillit të sigurisë kombëtare.
Kjo është mësuar nga dokumentet që kanë rrjedhur nga Krelmini.
Takimi kyç ndodhi më 22 janar 2016, thonë dokumentet, me presidentin rus, shefët e spiunazhit dhe ministrat e lartë prezentë, raporton Guardian.
Ata ishin pajtuar që një Shtëpi e Bardhë e udhëhequr nga Trumpi do të ndihmonte në sigurimin e objektivave strategjike të Moskës, mes të cilave ishin “trazirat sociale” në ShBA dhe dobësimi i pozicionit negociues të presidentit amerikan.
Tri agjencitë e spiunazhit rus ishin urdhëruar që të gjenin rrugë praktike në mbështetjen e Trumpit, në një dekret që duket se mban nënshkrimin e Putinit.
Deri në atë pikë, Trump ishte garuesi kryesor në partinë Republikane.
Agjencinë perëndimore të Inteligjencës ishin të vetëdijshme për dokumentin tash e disa muaj dhe të cilat i kanë ekzaminuar me kujdes.
Dokumentet, të cilat i ka parë Guardian, duket të paraqesin rrjedhjen më serioze dhe të pazakontë brenda Kremlinit ndonjëherë.
Guardian i ka treguar dokumentet disa ekspertëve të pavarur dhe të cilët i kanë konsideruar si të vërteta.
Më shumë informacione do të mësoni nga Periskopi më pas.