Skandaloze: Gjendet copë metali brenda ampulës së antibiotikut në QKUK

Një copë metali është gjendur brenda një ampule të antibiotikut në Klinikën e Kirurgjisë në QKUK.

Një rast skandaloz është evituar në Klinikën e Kirurgjisë Abdominale në Qendrën Klinike Universitare të Kosovës.

Stafi i Klinikës së Kirurgjisë duke përgatitur terapinë për një pacient, ka hasur një copë metali brenda shishes së antibiotiku ceftriaxione 1 mg.

Gazeta Shneta ka siguruar disa fotografi ku shihet copa e metalit brenda shishes së ilaçit.

Pasi është vërejtur copa e metalit, stafi e ka raportuar rastin tek menaxhmenti i klinikës dhe ky ilaq nuk është përdorur tek pacienti.

Gazeta do të sigurojë më shumë informacione për të mësuar se cila kompani e ka importuar këtë produkt, nga cili institucion është bërë furnizimi, dhe nëse ka pasur kontrolle të cilësisë në Agjencinë për Produkte Medicinale.