Një total prej 3,880,679 rusë udhëtuan midis janarit dhe marsit, sipas shifrave dhe është e paqartë se sa prej tyre janë kthyer në vendin e tyre.
Largimet në vendet ish-sovjetike panë një rritje të konsiderueshme pas pushtimit rus të Ukrainës më 24 shkurt. Rusëve që u larguan nga vendi për shkak të kundërshtimit ndaj Iuftës iu bashkuan ata që u shpëtuan mbylljeve të përfolura të kufijve, ligjit ushtarak dhe mobilizimit masiv që deri më tani nuk janë realizuar.
Gjeorgjia pranoi 38,281 rusë në tremujorin e parë të 2022, tha FSB, një rritje gati pesëfish nga 8,504 rusë të pranuar në të njëjtën kohë të vitit të kaluar. Taxhikistani gjithashtu pa një rritje gati pesëfish të ardhjeve ruse, nga 8,857 në janar-mars 2021 në 40,054 në të njëjtën periudhë kohore të këtij viti.
Estonia pa një rritje katërfish (125,426) krahasuar me vitin e kaluar (29,364). Shtetet e tjera baltike, Letonia (25,568 krahasuar me 13,521) dhe Lituania (48,197 krahasuar me 41,838) panë rritje të lehta. Armenia pa një rritje të trefishtë prej 134,129 nga 44,586 në të njëjtën kohë të vitit të kaluar. Uzbekistani pa një trefishim të ngjashëm me 53,084 këtë vit krahasuar me 15,206 në 2021.
Numri i rusëve që mbërritën në Kazakistan u dyfishua në 204,947 në janar-mars 2022 nga 122,330. Pati një rritje të lehtë në numrin e rusëve që udhëtonin në Ukrainë, 328,435, nga 316,286 në janar-mars 2021.