Sulm terrorist me eksploziv, 4 të vdekur dhe 13 të plagosur

Turqia është tronditur mbrëmjen e sotme nga një sulm i tmerrshëm terrorist.

Mediat raportojnë se një shpërthim i fuqishëm me eksploziv ka ndodhur në zonën Kulp të Dijarbakirit, duke vrarë 4 civilë dhe plagosur 13 të tjerë.

Mediet turke raportojnë se një eksploziv i punuar me dorë, vendosur nga anëtarët e organizatës terroriste PKK, ka shpërthyer gjatë kalimit të një automjeti civil që transportonte punëtorët e pyjeve.

Në vendin e ngjarjes kanë mbërritur një numër i madh i ambulancave dhe forca të policisë.