Takimi i radhës i kryeministrit Kurti dhe presidentit serb Vuçiq do të mbahet me 18 mars.
Vendtakimi ndërkaq do të jetë në Maqedoninë e Veriut.
- Advertisement -
Këtë e ka konfirmuar kreu serb në paraqitjen para gazetarëve, pak kohë pas përfundimit të takimit në Bruksel.
“Do të takohemi prapë me datën 18. Ka qenë një takim i vështirë. Kurti ka refuzuar të flasë për Asociacionin.”, tha ndër tjerash Vuçiq.
Ka qenë interesant fakti se Vuçiq shtoi që është e rëndësishme se çfarë do të thotë Bashkimi Evropian.
- Advertisement -
“Deri tani po flasim për gjërat dhe situatën. Mendoj se është e rëndësishme dhe ajo që do të bëjë është njoftimi i Bashkimit Evropian. Nëse është kështu, është deklaratë e tyre. Sigurisht që do të flitet për domosdoshmërinë e zbatimit të marrëveshjeve të mëparshme. Unë insistova në Bashkësinë e Komunave Serbe, kurse ai nuk ishte i gatshëm“.