Këshilltari i lartë i Departamentit amerikan të Shtetit, Derek Chollet ka njoftuar se sot ka zhvilluar biseda telefonike me kryeministrin e Kosovës, Albin Kurti si dhe presidentin e Serbisë, Aleksandar Vuçiq.
Që të dy, ka njoftuar ai, i ka uruar për arritjen e marrëveshjes në Ohër të Maqedonisë së veriut.
“E urova kryeministrin Kurti sot për marrëveshjen e arritur në Ohër, Maqedoni e Veriut, në normalizimin e marrëdhënieve me Serbinë nëpërmjet dialogut të lehtësuar nga BE. Tani më shumë se kurrë, Kosova është afruar te e ardhmja evropiane”, ka shkruar Chollet.
Ndërkaq, presidentin serb, Chollet ka njoftuar se e ka falënderuar për qasjen konstruktive në Ohër.
“E rëndësishme është që të ndërmerren hapa të menjëhershëm për të implementuar dhe për ta përcaktuar rrugën drejt normalizimit dhe integrimeve evropiane. Gjithashtu, e falënderova Serbinë për riangazhimin e saj me SHBA-në në stërvitje të mbrojtjes. @PlatinumWolf!”, ka shkruar Chollet.
Gjatë ditës së sotme, kryeminsitri Kurti ka ndërprerë raportimin e në Kuvend, siçu tha, si rezultat i një “telefonate të rëndësishme”.
Më vonë Kurti tregoi se ka folur me me Këshilltarin e lartë të Departamentit amerikan të Shtetit, Derek Chollet.
Congratulated Prime Minister @albinkurti today on the agreement reached in Ohrid, North Macedonia, on normalization of relations with Serbia through the EU-Facilitated Dialogue. Kosovo now closer than ever to its EU future.
— Derek Chollet (@CounselorDOS) March 23, 2023
Thanked Pres Vucic @predsednikrs for constructive engagement in Ohrid. Important to take immediate steps to implement and set firm path toward normalization and EU integration. Also thanked Serbia for reengaging with U.S. on defense exercises. #PlatinumWolf!
— Derek Chollet (@CounselorDOS) March 23, 2023