Sot kryetarja e Kuvendit të Kosovës, Vjosa Osmani, ka bërë një thirrje publike për deputetët e Kuvendit të Kosovës që të miratohet një rezolutë për shkarkimin e anëtarëve të Listës Serbe nga Qeveria, pasi që lideri i tyre Goran Rakiq bëri thirrje që të respektohen masat Qeverisë serbe dhe jo asaj të Kosovës, sa i përket menaxhimit të Covid-19.
E, deputetja e Aleancës për Ardhmërinë e Kosovës, Teuta Haxhiu, ka reaguar duke thënë se rezolutat nuk kanë karakter obligativ për Qeverinë, prandaj këtë thirrje të Osmanit e ka parë në kuadër të një loje politike.
Haxhiu i ka drejtuar një pyetje kryetares së Kuvendit të Kosovës.
“Kujt po i shet moral politik Vjosa Osmani? Kryetarja e Kuvendit e din fare mirë që Rezolutat nuk jan obligative për Qeverinë!”, ka shkruar Haxhiu.