Një rrjet i fshehtë tunelesh nga Lufta e Dytë Botërore që mendohet se të çojnë në “Dhomën e Qelibarit” ose në thesare të tjerë të humbur të kohës së luftës, është zbuluar së fundmi në vendin ku ndodhej ish-selia lindore e ushtrisë naziste.
5 hyrjet që çojnë në sistemin e pazbuluar më parë të korridoreve nëntokësore që u gjetën në verilindje të Polonisë, përshkruhen si zbulimi më i madh i bërë ndonjëherë.
Bartlomiej Plebanczyk nga kompleksi i muzeut “Mamerki” ku u bë zbulimi u shpreh: ‘Për momentin, bazuar në mënyrën se si hyrjet ndahen, duket se një nga tunelet është rreth 50 metra i gjatë, por mund të jetë më i gjatë. Disa prej tyre janë mbushur, mbase me qëllim që t’i fshehin, kështu që do të duhet të heqim shumë material para se të shohim se çfarë ka brenda tyre.’
Dhoma e Qelibarit, e ndërtuar për carin rus Pjetri i Madh në vitet 1700 dhe i mbushur me qelibar, ar dhe bizhuteri të çmuara, u vodh nga nazistët dhe u zhduk në mënyrë misterioze në fund të Luftës së Dytë Botërore.
Për dekada, “gjuetarët” e thesareve kanë kërkuar Europën për pasuritë e humbura, por pa rezultat.
Në fillim të këtij muaji, ethet e “Dhomës së Qelibarit” u rindezën kur zhytësit në qytetin polak të Gdansk thanë se do të fillonin të kontrollonin një anije të mbytur në fund të Balltikut.