Politikanja serbe në Kosovë, Rada Trajkoviq, ka njoftuar se iu ka ndaluar hyrja e vajzës së saj në Aeroportin e Beogradit.
Me anë të një postimi në Twitter, Trajkoviq se shërbimet e Aleksandar Vuçiq nuke kanë lejuar vajzën e saj të hyjë në vend.
“Çfarë po ju bëjnë fëmijët e mi, Aleksandar Vuçiq? Përsëri shërbimet tuaja e ndalojnë vajzën time që është mjeke në aeroport me të hyrë në vend”, ka shkruar ajo.
Tutje, ajo ka pyetur presidentin serb se çfarë po i bëjnë fëmijët e saj.
“Një qytetare që e respekton ligjin dhe nuk merret me politikë. Çfarë po ju bëjnë fëmijët e mi”, ka shkruar tutje ajo.
Šta ti rade moja deca @avucic? Opet mi tvoje službe zaustavljaju ćerku lekara na aerodromu pri ulasku u zemlju.
Građanku koja postuje zakon i ne bavi se politikom.
Šta ti rade moja deca?
— Rada Trajkovic (@trajkovic_rada) April 4, 2023
Një muaj me parë, Rada Trajkoviq, këshilltare e ministrit për Kthim dhe Komunitete në Qeverinë e Kosovës, Nenad Rashiq, kishte bërë të ditur se brenda dy ditëve ishte ndaluar dy herë në Aeroportin e Beogradit nga policia kufitare serbe.
Përmes një postimi në Twitter, Trajkoviq ka shkruar se nuk i besohet që sërish i ishte ndaluar hyrja nga policia në aeroport.
“Nuk më besohet se po e shkruaj këtë, por jam ndaluar sërish nga policia kufitare në Aeroportin e Beogradit. Ata duket se mendojnë se publiku do të lodhet me postimet e mia, dhe se bashkësia ndërkombëtare do ta pranojë keqtrajtimin tim si fakt. Ndërsa ‘ata të tyre” që janë nën sanksionet e SHBA-ve po lëvizin të lirë…” – kishte shkruar Trajkoviq.