Filozofi rus Aleksandar Dugin i njohur si “truri ekstremist i Vladimir Putinit”, thotë se mosvendosja e sanksioneve të Serbisë ndaj Rusisë është vëllazërore.
Dugin ka theksuar se veprimet e presidentit serb Aleksandar Vuçiq janë të duhura.
“Është plotësisht e kuptueshme se çfarë po bën presidenti serb Aleksandar Vuçiq dhe ne e vlerësojmë atë që po bën Milorad Dodik në Bosnje dhe Hercegovinë, e cila ndihmon shumë në këtë situatë kritike. Shmangia e sanksioneve kundër Rusisë është një akt heroik, do t’i kushtojë Serbisë, do të përpiqet t’ju ndëshkojë përsëri, siç kanë bërë në 25-30 vitet e fundit”, ka theksuar Dugin.
Alexander Dugin, so called “Putin’s brain” announces Russia’s geopolitical agenda for the Balkans. The last 30 seconds are telling and chilling.pic.twitter.com/5mrObyZXWM
— Ivana Stradner 🇺🇦 (@ivanastradner) May 8, 2022
Ky filozof është i njohur për pikëpamje mesjetare, raciste, shoviniste për çdo gjë në botë.
Në dokumentarin VIRUSSIA, Dugin mendon që të drejtat e njeriut, liritë individuale, nuk duhet të ekzistojnë fare.
Sipas tij, ballafaqimi i Rusisë dhe Evropës është konfrontim midis globalizmit dhe anti-globalizmit duke kërkuar rikthimin e projektit të Rusisë Perandorake.
Kujtojmë se Serbia është i vetmi shtet në rajon që nuk ka vendosur sanksione ndaj Rusisë, pas agresionit ushtarak të kësaj të fundit në Ukrainë.