Turqia do të furnizojë Shqipërinë me dronë super inteligjentë. Qeveria shqiptare do të paguajë 8 milionë euro për këtë.
Dronët inteligjentë pritet të përdoren për kontrollin e territorit në Shqipëri nga policia.
- Advertisement -
Dronët do të shërbejnë për rritjen e sigurisë kombëtare në tërësi.
Megjithatë, ende nuk dihet se kur këto dronë do të jenë në dispozicion të policisë shqiptare.
Në rishikimin e buxhetit për vitin 2021 qeveria shqiptare e cilësonte këtë projekt si prioritar, i cili do të kushtojë 8 milionë euro.
- Advertisement -
Ministri i brendshëm Bledi Çuçi ka parë nga afër disa nga modelet e mjeteve fluturuese. Këta dronë janë prodhim i kompanisë turke “Baykar Technologies”.
Sipas asaj që raporton vetë kompania turke, marrëveshje për furnizim me dronë inteligjentë ka lidhur edhe me shtete si Polonia, Ukraina, Azerbajxhani, Letonia dhe Pakistani.