Kamerat e sigurisë të instaluara brenda një shtëpie private ka kapur momentin, kur pronari i shtëpisë rrah brutalisht katër hajna të armatosur – duke i detyruar të largohen nga prona e tij që e kishin për cak për ta plaçkitur.
Në video shihet Asif Ali duke u konfrontuar me hajnat të cilët i godet vazhdimisht. Ky 35-vjeçar arrin madje t’i zmbraps nga prona, edhe pse njëri prej tyre tenton t’i vërsulet me thikë.
- Advertisement -
Ky biznesmen nga Rochdale, ka pranuar për mediat angleze se si është munduar të mbrojë gruan e tij 30-vjeçe e identifikuar si Charlotte, e cila ishte në gjumë në dhomën e katit të dytë të shtëpisë.
Ali ka publikuar pamjet e kamerave të sigurisë me shpresën se qytetarët do ta ndihmojnë atë dhe policinë për t’i kapur sulmuesit, madje ka ofruar shpërblim prej 5 mijë funteve për këdo që ka informacione që do të qonin në kapjen e tyre.