Lufta e Ukrainës ka hyrë në muajin e saj të tretë, duke i tejkaluar kështu të gjitha pritshmëritë që ishin në fund të shkurtit, ku pritej që Ukraina të kapitullonte brenda pak ditësh. Humbjet e rusëve në këta tre muaj kanë qenë kolosale dhe nuk duket se do të kenë mbarim së shpejti.
Nëse plani që Kievi të binte brenda tre-katër ditësh ishte miskalkulim i Rusisë, humbjet në mbi 20 mijë njerëz kanë qenë të paimagjinueshme, jo vetëm për rusët, por për të gjithë botën që e shihte ushtrinë e Putin si një superfuqi që do ta gëlltiste shpejt fqinjin e saj.
Prej fillimit të Iuftës më 24 shkurt, ukrainasit pretendojnë se deri më tani mbi 23 mijë ushtarë rusë 23,500 ushtarë rusë janë eliminuar në aksion, 300 më shumë sesa u raportua të shtunën.
These are the indicative estimates of Russia’s combat losses as of May 1, according to the Armed Forces of Ukraine. pic.twitter.com/SjdjrA0nge
— The Kyiv Independent (@KyivIndependent) May 1, 2022
Më tej, Forcat e Armatosura të Ukrainës thonë se 192 aeroplanë dhe 155 helikopterë rusë janë shkatërruar, deri sa raportojnë që gjithashtu rusët kanë humbur mbi 1.000 tanke dhe 18 tanke vetëm në 24 orët e fundit.
Disfatat e mëdha e detyran Rusinë të tërhiqet tërësisht nga fronti i Kievit, për t’u fokusuar krejtësisht në regjionin e Donbasit ku po vazhdojnë edhe më tej luftimet e ashpra pas fillimit të ofensivës ruse në këto territore që janë të kontrolluara nga separatistët.