Pandemia duket se nuk ekziston fare ne fshatin Kramovik të Rahovecit.
Kur disa qytete në Kosovë janë në orë policore, në Kramovik pas orës 21:00 fillon atmosfera.
Vajza gjysmë të zhveshura dhe vallëzime provokuese janë parë edhe mbrëmë në këtë lokal nate.
Muzika me tone të larta, alkool pa kufi, vallëzime të ndryshme dhe turma meshkujsh karshi disa femrave valltare shihen pothuajse çdo natë në këtë lokal nate, shkruan Indeksonline.
Nuk është aspak e vështirë të verifikosh se këtu ka aktivitet deri në orët e para të mëngjesit, por që Policia ka heshtur deri më tani. Muzikë live te “Egzoni-Adnani” është një mbishkrim që njofton mbajtjen e muzikës në magjistralen Klinë-Gjakovë, të kryqëzimi i Kramovikut.
Organizime të tilla ku nuk respektohet asnjë masë e vetme ndaj koronavirusit sigurisht që rrisin gjasat për shumëfishimin e rasteve.