Vaki kosovare: Nënës në Obiliq një çift ia vjedhin vajzën 3 vjeçare, qëllimi ishte ta shesin jashtë shtetit

Policia e Kosovës ka njoftuar se dje një burrë dhe një grua ia kanë marrë pa pëlqimin e saj vajzën 3-vjecares një gruaje tjetër nga Obiliq.

Ngjarja ka ndodhur rreth orës 11:30. Sipas policisë, të dyshuarit kanë tentuar që të udhëtojnë pasi e morën vajzën tre vjeçare jashtë Kosovës për qëllime të ndryshme, përmes pikës kufitare në Jarinjë.

Fëmija i është kthyer nënës, ndërsa, rasti shkon në procedurë të rregullt.

“Fsh. Plemetin, Obiliq 04.12.2020-11:30. Raportohet se të dyshuarit një femër dhe një mashkull kosovar-e, pa pëlqimin e viktimës –ia kanë marrë vajzën 3 vjeçare dhe kanë tentuar që të udhëtojnë jashtë Kosovës nëpërmes pikës kufitare Jarinjë, ku edhe janë ndaluar. Të dyshuarit dhe viktima janë shoqëruar në stacionin e Obiliqit ku dhe janë intervistuar”, thuhet në njoftimin e Policisë.

Me vendim të prokurorit fëmija i kthehet nënës dhe rasti shkon në procedurë të rregullt.