Pas krijimit të institucioneve të reja dhe emërimit të ministrave të qeverisë Kurti, mediat serbe dhe politikanët atje kanë filluar menjëherë akuzat në drejtim të Kosovës.
Ministri serb i Mbrojtjes, Aleksnader Vulin, thotë se Albin Kurti po bënë gjithçka për të mos vazhduar dialogun me Serbinë, shkruan ‘Kosovo Online’.
- Advertisement -
Sipas tij nuk mund të ketë pajtim nëse “vrasësit janë ulur në qeverinë e Prishtinës”, duke aluduar në emrin e Anton Qunit, për të cilin që nga dita e hënë mediat pro-pushtetit në Serbi menjëherë kanë filluar sulmet duke shkruar se Serbia e ka dënuar atë për vrasjen e disa ushtarëve.
Sipas Vulinit pavarësisht deklarimeve të Prishtinës se është për dialog, veprimet e marra si taksa, krijimi i ushtrisë dhe emërimi i ministrave që kanë qenë pjesë e luftës, tregojnë që vetëm negociata nuk mund të ketë.