Kosova synon ta paditë Serbinë për gjnocid, dhe këtë mund ta bëjë Shqipëria në emër të Kosovës.
Së paku kështu ka paralajmëruar Albulena Haxhiu, Ministre e Drejtësisë në Kosovë.
“Padia për gj.nocid do të jetë padyshim një ndër dokumentet kryesor. Zyra e kryeministrit është duke punuar me një kujdes të shtuar, me seriozitet, me hapa të kujdesshëm, dhe është në bashkëpunim të plotë me institucione të tjera, sidomos me institucionin e presidentit, presidentes Osmani dhe kryetarit të kuvendit, për herë të parë në republikën e Kosovës, pas sa viteve, e kemi në të njëjtën faqe, në të njëjtin zë, presidenten, kryeministrin dhe kryetarin e kuvendit”, ka deklaruar Ministrja e Drejtësisë, Albulena Haxhiu.
Por analisti dhe publicisti nga Shqipëria, Rexhep Shahu, thotë se një gjë e tillë nuk do të ndodhë kurrë, pasi pushteti aktual i Shqipërisë nuk e padit shtetin serb në asnjë rrethanë.
“As e besoj as ka për të ndodhur që Kosova ta padisë Serbinë për gj.nocid apo për çfarëdo lloj padie kundër Serbisë Aq më absurde e qesharake është e thëna se Kosova mund ta padisë Serbinë përmes Shqipërisë. Të bëhemi esëll, asnjëherë në asnjë rrethanë pushteti aktual i Shqipërisë nuk e padit Serbinë kurrë për asnjë arsye dhe as për Kosovën. Arsyeja është se Shqipëria e Serbia kanë një aleancë të fshehtë e të shpallur, një miqësi të vjetër të dëshmuar dhe të ndërtuar e kalcifikuar nga Enver Hoxha e Tito. Raportet e afërta të Edi Ramës me Serbinë nuk janë risi, nuk është çudi, është traditë marrëdhënia e komunisteve e socialistëve shqiptarë me Serbinë”, shprehet Shahu.
Sipas tij, edhe në zgjedhjet e fundit në Shqipëri, Aleksandër Vuçiq bëri thirrje që të votohet Partia Socialiste e Edi Ramës.
“Asnjëherë e majta socialiste e komuniste e Shqipërisë nuk ka dalë hapur kundër Serbisë. E djathta ose Partia Demokratike e Shqipërisë qe ne krijimin e saj e ka shpallur Kosovën Ylli polar i politikes shqiptare e kombëtare. Edhe ne zgjedhjet e fundit politike në Shqipëri presidenti i Serbisë bëri thirrje të votohej Partia Socialiste e Shqipërisë, partia e Edi Ramës dhe të mos votohej Partia Demokratike e Shqipërisë për shkak se është parti e veriorëve dhe e Sali Berishës që nuk e don Serbia”, deklaron Rexhep Shahu.
Më tej, Shahu thekson se Kosova dhe Shqipëria nuk i kanë përkrahur edhe individët të cilët kanë tentuar të ngritin padi ndaj Serbisë.
“Shteti i Kosovës dhe i Shqipërisë duhen ndëshkuar edhe pse nuk kanë përkrahur, nxitur e asistuar qytetarë në Shqipëri e Kosovë që të bëjnë padi individualisht kundër shtetit serb. Nëse shqiptarët do të bënin paditë e duhura, në kohen e duhur kundër shtetit serb, në gjykatat e duhura, sot serbët nuk do të guxonin të vishnin kostumin e vlktimës dhe t’ua linin në duar shqiptarëve kostumin e xheIatit. Kosova e Serbia kane patur rast të bëjnë shumë herë padi kundër Serbisë pa hyrë në padinë për gj.nocid që është gjë shumë e vështirë”, thotë publicisti Shahu.