Ushtruesja e detyrës së Presidentit të Kosovës, Vjosa Osmani ka suspenduar nga pozita e Sekretarit të Presidencës, Driton Gashin, i cili ishte punësuar nga ish-presidenti Hashim Thaçi.
- Advertisement -
Bazuar në vendimin që ka siguruar Gazeta Express, suspendimi i tij është bërë me dyshimet për shkelje të rëndë të detyrave të punës.
Gjatë kohës së suspendimit, atij do t’i lejohet që të marrë 50 përqind të pagës.
Gashit do t’i ndalohet qasja në Presidencë dhe në dokumentacionin zyrtar të këtij institucioni deri në përfundimin e procedurave disiplinore.
- Advertisement -
Ndryshe, Gashi ka qenë edhe Shef i Agjencisë Kosovarë për Inteligjencë.