Kreu i LDK-së Isa Mustafa ka folur për deklaratën e Vjosa Osmanit, e cila tha se do të garojë në zgjedhje me një listë të vetën.
- Advertisement -
Ish-kryeministri i LDK’së tha se askush s’do e pengojë Osmanin në rrugën që ka zgjedhur.
“Vjosa Osmani duhet tani të shpërfaqet në kapacitetet që i ka, meqenëse vlerëson se mund të ketë votë me listën e vetë dhe askush s’ka me pengu”, tha Mustafa për RTK-në.
“Edhe nëse hyjmë në zgjedhje, ne kur të hyjmë do të zhvillojmë një fushatë pozitive dhe do të kallëzojmë se çka LDK nuk duhet me bë e jo kush është i keq që në këtë vend”, shtoi ai.
- Advertisement -
“Diskursi i dikujt ka qenë vetëm të merret me pika të zeza, ose pika të saj, ose të tij të zeza dhe assesi me zgjidhje. LDK’ja gjithmonë ka ofruar zgjidhje.”, tha Mustafa.