Mbrojtësi i djathtë i Kosovës, Mërgim vojvoda, ka folur për medie pas takimet me Malin e Zi. Kosova fitoi me rezultat 2-0 me golat e Amir Rrahmanit dhe Vedat Muriqit. Vojvoda thotë se ishte ndeshje e vështirë por që arritën fitore me mund.
- Advertisement -
“Normal që kemi pasur presion dhe është dashtur me fitu sot. Por goli i Amirit na ka çliru shumë, kena pas shanca tjera por shiqyr që e dhamë golin e dytë dhe nuk pësuam gol”, ka thënë Vojvoda.
Po ashtu ai ka folur edhe për shyerjet e shumta që pati në fushë me lojtarët malazez pas ndërhyrjeve të palejuara që ata bënin.
“Bënë disa provokime dhe referi nuk u dha atyre kartona. Ka qenë faji im ndoshta pasi që nuk është dashur të ndëshkohem duke u përfshirë”, tregoi mbrojtësi i Standart Liege.