Vjosa Osmani e vetme mori gati shtatë herë më shumë vota se LDK’ja në Hanin e Elezit
Të dielën në Kosovë janë mbajtur zgjedhjet e parakohshme parlamentare.
Fituese e këtyre zgjedhjeve doli të jetë Lëvizja Vetëvendosje me mbi 47% të votave.
Fituese e zgjedhjeve kjo parti doli edhe në komunën e Hanit të Elezit.
Në këtë komunë VV’ja mori 1 mijë e 950 vota ose 53.06% të votave të përgjithshme.
Vetëm Vjosa Osmani mori mbi njëmijë vota.
E dyta në këtë komunë doli të jetë PDK’ja me 969 vota ose 26.37% të votave të përgjithshme.
Kandidati për kryeministër nga kjo parti i mori gjithsej 743 vota.
Ndërsa Lidhja Demokratike e Kosovës (LDK), në këtë komunë nuk doli edhe aq mirë me rezultat.
Në këtë komunë LDK’ja mori vetëm 237 vota, ose 6.45% të votave të përgjithshme.
Kandidati për kryeministër nga LDK’ja mori vetëm 138 vota.
Këto rezultate dolën nga numërimi në 12 vendvotime.