Në fshatin Begaj të Vushtrrisë, një familje nuk kishte asnjë informacion për djalin e tyre 32-vjeçar, me nevoja të veçanta, i cili ishte larguar nga shtëpia mesditën e 20 shkurtit.
- Advertisement -
Vëllai i tij e kishte denoncuar të riun si të zhdukur gjatë ditës së djeshme, pas kërkimeve që kanë bërë si familje, por që rezultuan pa sukses. Pasi nuk arritën të binin në gjurmët e tij, kjo i shtyri që të kërkojnë ndihmën e Policisë.
Si rezultat i raportimit të rastit, kanë nisur hetimet për gjetjen e 32-vjeçarit, teksa familja ka njoftuar sërish Policinë se ai është lajmëruar nga Beogradi, duke iu thënë se do të kthehet sërish në shtëpi.