Një xhaketë leshi e veshur dhe e nënshkruar nga presidenti ukrainas, Volodymyr Zelensky, u shit rreth 100 mijë euro të enjten në një mbledhje fondesh për Ukrainën në Londër.
“Sot, e gjithë fjala duket tek një burrë i veshur me një xhaketë të thjeshtë leshi”, tha Ambasada e Ukrainës në Mbretërinë e Bashkuar në një video të postuar në Twitter që përfshinte pamjet e Zelensky-t me xhaketën. “Dhe tani artikulli ikonë, i nënshkruar personalisht nga presidenti Zelensky, është këtu”.
Qëllimi i ngjarjes ishte “tregimi i historive të trimërisë (ukrainase) që u bë ikonë gjatë luftës, si dhe për të mbledhur fonde për të mbështetur këtë trimëri”, sipas një postimi në Twitter nga ambasada, transmeton Telegrafi.
Rusia nisi një suIm ndaj Ukrainës në fund të shkurtit, duke shkaktuar trazira gjeopolitike dhe një krizë refugjatësh. Më shumë se 3,000 civilë janë vrarë në konflikt, sipas vlerësimit të fundit nga Zyra e Komisionerit të Lartë të OKB-së për të Drejtat e Njeriut.
Fondacioni “Brave Ukraine”, që përfshin lodra të dhuruara nga Zonja e Parë ukrainase, Olene Zelenska dhe imazhe nga fotografi i ndjerë Max Levine si dhe xhaketa e Zelensky-t, u organizua nga Ambasada e Ukrainës në Londër në galerinë e artit Tate Modern.