Lokacioni i shtatores së komandantit legjendar, Adem Jashari, do të vendoset mes asaj të figurës kombëtare shqiptare Skendërbeut dhe ish-presidentit Ibrahim Rugova.
Kështu ka konfirmuar për emisionin ‘Ju Flet Prishtina’ në Klan Kosova, Leotrim Retkoceri, asamblist i PDK-së në Komunën e Prishtinës, teksa ka njoftuar se ka mbajtur një takim me kreun e Prishtinës, Përparim Ramën, për këtë çështje.
Help To Defend Ukraine. Here Is The Country’s Main Account
Savelife
Adskeeper
Help To Defend Ukraine. Here Is The Country’s Main Account
Savelife
Adskeeper
“Ne si grup i PDK-së në Kuvendin Komunal, bashkërisht me LDK-së dhe nënkryetaren e Komunës së Prishtinës, Donjeta Sahatçiu, kemi takuar z. Përparim Ramën ku kemi kërkuar inicimin e një grupi punues dhe të gjitha procedurave të tjera, në mënyrë që sa më shpejt të përmbyllet procesi për ndërtimin e shtatores së Adem Jasharit dhe kjo shtatore të vendoset në kryeqytet”, deklaron ai.
“…Ndërsa tash e tutje është me rëndësi që të formohet një grup punues që do të administrojë të gjitha fazat e punimit. Duhet të mbahet një linjë buxhetore për këtë çështje”, ka thënë më tej Ratkoceri.
Këtë lokacion e kishte kërkuar edhe familja Jashari, në emër të së cilës, Bekim Jashari ia kishte kërkuar ish-kryetarit të Prishtinës, Shpend Ahmetit.