Rreth një e katërta e forcave ruse të përdorura në pushtimin e Ukrainës janë “në mënyrë efektive të pafunksionueshme”, sipas një zyrtari evropian, pas humbjeve të rënda, logjistikës së dobët dhe mbështetjes.
Sipas CNN, Rusia kishte grumbulluar rreth 120 grupe taktike të batalioneve (BTG), rreth Ukrainës përpara pushtimit. Gjashtë javë pas luftës, afërsisht 29 prej tyre tani janë jashtë funksionit, tha zyrtari.
Forcat ruse janë përpjekur të kombinojnë disa nga pjesët e mbetura të BTG-ve në njësi luftarake koherente, duke përdorur mbetjet e dy ose tre BTG-ve për të bërë një, shtoi zyrtari.
Komentet vijnë një ditë pasi zëdhënësi i Kremlinit Dmitry Peskov pranoi shkurtimisht të enjten se Rusia kishte pësuar humbje të konsiderueshme të trupave të saj në Ukrainë, duke e quajtur atë “një tragjedi të madhe” për vendin.
I pyetur nëse tërheqja e trupave ruse nga Kievi dhe rajoni i tij mund të shihet si “poshtërim” për Kremlinin, Peskov tha se përdorimi i këtyre fjalëve do të ishte “një kuptim i gabuar i situatës”.
“Ne kemi humbje të konsiderueshme trupash dhe kjo është një tragjedi e madhe për ne,” pranoi Peskov, përpara se të pretendonte se arsyeja e tërheqjes së Rusisë nga rajonet e Kievit dhe Chernihiv ishte një akt i vullnetit të mirë gjatë negociatave midis delegacioneve ukrainase dhe ruse.
Zyrtarët e SHBA-së dhe NATO-s vlerësuan muajin e kaluar se VlKTlMAT ruse variojnë nga 3,000 deri në 10,000. Zyrtarët ukrainas kanë pohuar se numri është edhe më i lartë.