Ministri i Arsimit dhe Shkencës, Ramë Likaj, u është përgjigjur pyetjeve të deputetëve sa i përket emërimit të zëvendësministrit i cili është ende studentë.
Likaj tha se atë e ka pasur student dhe e di se është duke vijuar studimet në dy universitete, në publik dhe në privat.
“Sa i përket zëvendësministrit, unë e kam pasur student, ai studion në dy kolegje, një në privat dhe një publik. Një e ka notën mesatare në 9. Nuk është rast i shkëlqyer, por është i njohur me problemet e rinisë. Në të dyjat është në përgatitje të diplomës.
“Unë kam menduar se në momentin strukturat e kanë deleguar për zv. ministër, unë e kam menduar që me e fokusue me problemet e rinisë”, tha ai.
Deputeti i LVV-së Fitim Uka, pyeti se cila do të jetë detyra e zëvendësministrit.
“Është emëruar një zv.ministër që të paktën aq sa ne dimë është pa një CV të pastër. Çfarë përgjegjësisë do të ketë ky dhe cili është plani i punës së tij”, tha ai.
Përgjigjes së tij, ministri i Arsimit dhe Shkencës Ramë Likaj, i tha se do ta orientojë te problemet e të rinjve të vendit.
“Unë kam menduar se në momentin strukturat e kanë deleguar për zv. ministër, unë e kam menduar që me e fokusue me problemet e rinisë”, tha ai.