Personi me incialet I.M., i lindur në vitin 1967 nga fshati Vraniq i komunës së Suharekës, ka raportuar në polici se përderisa ka qenë duke ecur në qendër të kësaj komune i kanë humbur paratë.
Sipas deklaratës së viktimës, ai ka kontrolluar disa herë paratë por nuk ka mundur t’i gjejë ato.
Zëdhënësi i Policisë për Rajonin e Prizrenit, Shaban Osmanollaj, konfirmon për se rasti në fjalë po trajtohet nga policia.
“Rreth orës 21:24 në Stacionin policor në Suharekë ka ardhur qytetari I.M., i lindur në vitin 1967 nga fshati Vraniq, i cili ka raportuar se përderisa ka qenë duke ecur në rrugën “Brigada 123” (në qendër të qytetit) në Suharekë, i njëjti dyshon se i kanë rënë të hollat që i kishte në posedim. Sipas deklaratës së ankuesit, i njëjti disa herë ka kontrolluar për të hollat, por nuk ka mundur t’i gjejë. Rasti po hetohet në bazë të deklaratës së viktimës”, tha Osmanollaj.
Lidhur me këtë rast, mediat lokale kanë raportuar se viktima i kishte paratë për mjekim.