Nga Vjena ishte deklaruar se Kosova po shkon drejt Pavarësisë.
Si anëtar i ekipit negociator të Kosovës në Vjenë, kështu tha Hashim Thaqi para takimit i cili do të ishte i fundit dhe përcaktues për fatin e Kosovës.
Me 10 mars të vitit 2007, në takimin e nivelit të lartë Kosovë-Serbi, përfundoi procesi negociator i ndërmjetësuar nga presidenti Marti Ahtisaari, i cili filloi në korrik të vitit 2006 në Vjenë.
Ish-presidenti i Finlandës, Ahtisaari ishte i dërguari i Posaçëm i OKB-së, i cili udhëhoqi këtë proces.
Ai mori detyrën pas luftës së ashpër që po zhvillohej në Kosovë gjatë vitit 1998 dhe 1999, ku po vriteshin edhe civilë.
Për të arritur një marrëveshje, Ahtisari hartoi një plan i cili ndryshe njihet si “Pakoja e Ahtisaarit”
Kjo marrëveshje u bë për përcaktimin e statusit të Kosovës, e cila do të siguronte një të ardhme të qetë dhe të stabilizuar.
Në planin e Ahtisaarit i cili arriti në OKB me 26 mars, në mënyrë të hollësishme u paraqitën dymbëdhjetë anekse të cilat përfshinin kornizat e shtetit të Kosovës.
Në aneksin e parë u paraqitën dispozitat kushtetuese, tutje pikë e rëndësishme ishte edhe ajo për të drejtat e komuniteteve në Kosovë, me theks të komuniteti serb.
Më pas u rregullua qeverisja lokale, sistemi i drejtësisë, trashëgimia kulturore e fetare në të cilën mbrojtje të veçantë pati për objektet fetare serbe.
Plani i Ahtisaarit mori mbështetjen e autoriteteve kosovare por kundërshtua nga Qeveria e Serbisë, e cila e cilësonte propozimin si të dëmshëm.
Pasi Ahtisaari ia dorëzoi sekretarit të përgjithshëm të Kombeve të Bashkuara raportin final dhe rekomandimin që Kosova të fitojë një pavarësi të mbikëqyrur, ai u kundërshtua në Këshill të Sigurimit nga Rusia.
Megjithatë, ne fund ky plan rezultoi te ishte hap vendimtar drejt pavarësisë se Kosovës, e cili u shpall më datën 17 shkurt të vitit 2008.