Biznesmeni Ramiz Kelmendi është bërë sponsor i Majlinda Kelmendit dhe Federatës së Xhudos, dhe si i tillë do t’i jap 180 mijë euro në vit për ta,
Kampionët e xhudos nga tash do të kenë përkrahje financiare nga Kelmendi dhe kompania e tij Elkos-Grup, për garat jashtë vendit që do t’i mbajnë
Kelmendi ka njoftuar se sot së bashku me trajnerin Kuka dhe Majlinda Kelmendin kanë firmosur marrëveshjen e bashkëpunimit për sponsorizim.
Ky është shkrimi i tij i plotë:
“Bazuar në Ligjin për Sponsorizimin e Sportit të Republikës së Kosovës, sot kemi nënshkruar Marrëveshje Sponsorizimi një vjeçare me Federatën e Xhudos së Kosovës!
Në praninë e Selektorit dhe trajnerit me famë botërore Driton Kuka dhe Kampiones absolute botërore të xhudos Majlinda Kelmendi, bashkërisht me Kryetarin e Federatës së Xhudos të Kosovës z.Agron Kuka ne formalizuam edhe zyrtarisht Marrëveshjen me të cilën ‘ELKOS GROUP’ si ‘Sponsor i Artë’ mbështetë sukseset e xhudos kosovare me 180 mijë euro në vit!
Suksese Ambasadorëve tonë të Sportit në rrugëtimin e pandalshëm drejt sukseseve të mëtejme!
Me kënaqësi;
Ramiz Kelmendi – President i ‘Elkos Group-Etc’”.
Ndërsa këtë e ka mirëpritur edhe trajneri i Majlindës dhe xhudistëve kosovarë Driton Kuka, i cili këtë marrëveshje e ka quajtur ‘sponsor i artë’.
“Sponsor i artë … Golden sponsor .Federata e xhudos së Kosovës zyrtarizoj bashkëpunimin me “Elkos Group “.
Ekipi ynë Kampion rrugëtimin do e vazhdon me përkrahje të fuqishme!, ka shkruar Kuka në Facebook.