Instituti Kombëtar i Shëndetësisë Publike ka njoftuar se sot janë shëruar 27 pacientë që ishin të prekur me koronavirus, ndërkohë janë regjistruar shtatë raste të reja.
- Advertisement -
“Rastet pozitive janë raste kontakti dhe sipas vendbanimit: gjashtë raste nga komuna e Prizrenit dhe një rast nga komuna e Suharekës. Sot më 01 maj 2020, janë shëruar edhe njëzet e shtatë (27) pacientë, bazuar në rekomandimet e OBSH-së ku dy mostra rezultojnë negative me së paku një ditë distancë kohore. Numri i përgjithshëm i të shëruarve deri më sot është gjithsej dyqind e nëntëdhjetë e tetë (298) raste”, thuhet në njoftimin e IKSHPK-së.
Numri i të prekurve është rritur në 813, kurse i të shëruarve ka shkuar në 298. Deri më tash kanë vdekur 22 persona si pasojë e COVID-19.