Një aksident tragjik në provincën Agri të Turqisë i ka marrë jetën dhëndrit, një ditë para dasmës.
Sipas agjencisë së lajmeve DHA, aksidenti ndodhi në distriktin Patnos, kur makina që drejtohej nga 32-vjeçari Bayram Tekdemir u përplas kokë-më-kokë me një tjetër automjet që vinte nga drejtimi i kundërt.
Në aksident humbi jetën Bayram Tekdemir dhe vëllai i tij 3 vite më i madh, teksa i plagosur mbeti nipi i tij 5-vjeçar dhe 4 persona që po udhëtonin me mjetin që vinte përballë.
Para përplasjes fatale, Tekdemir mësohet se kishte marrë kostumin e dhëndrit nga rrobaqepësi dhe po shkonte në fshatin e tij, ku kishin organizuar edhe festën e beqarisë.
Ngjarja e rëndë ka futur në zi të gjithë fshatin. Në ditën që ishte planifikuar të bëhej dhëndër, të afërmit i dhanë lamtumirën e fundit 32-vjeçarit dhe të vëllait. /tvklan.a