Kreu i PDK’së Kadri Veseli ka folur pas dëshmisë së të parit të VV’së, Albin Kurtit e deputetit Glauk Konjufca në Prokurorinë Themelore në Prishtinë lidhur me kallëzimin penal për rastin Syri i Popullit.
Veseli thotë se do të mbajë mandatin e deputetit në Kuvend të Kosovës, e shton se kallëzimi penal është vetëm improvizim për t’i ikur dështimin që e patën për të krijuar koalicionin Vetëvendosje.
”Unë jam deputet në Kuvendin e Republikës, falënderues për këtë tentativa për t’i ikur të vërtetës, paaftësia për të ndaluar koalicionin qeveritar, me këtë improvizimin që është Syri i Popullit është paaftësia për të krijuar premtimin që e kanë pasur para qytetarëve të vendit”, thotë ai.
Kreu i PDK’së shton se nuk i bën përshtypje asnjë individ, i pyetur për Kurtin, derisa thotë se këtë rast po e trajton ndonjë prokuror i korruptuar.
“Syri i Popullit është reale, ka njeri të plagosur, ka veprime konsistente, ka djegie të makinave, ka sulme të eskortës së kryeministrit, ministrave, deputetëve, familjeve, të cilat i ka bërë Syri i Popullit, janë pikërisht ata që i kam përmendur, pavarësisht se ndonjë prokuror i korruptuar ose si frikësohet se në rrethana të reja mund t’i mbyllë rastet, secili duhet me u përgjigj për veprimet që i ka kryer, sa për mua do t’i shkoj deri në fund aspektit ligjor, edhe bash s’më bën përshtypje për asnjë individ”, tha ai.