Deputeti i Lidhjes Demokratike të Kosovës, Driton Selmanaj, i ka propozuar Qeverisë së Kosovës që në afat tremujorë të bëjë pezullimin e të gjitha pagesave/kësteve të kredive që qytetarët ua kanë borxh bankave komerciale në Kosovë.
Kjo masë sipas tij duhet të ndërmerret me qëllim që qytetarët sadopak të kenë rezerva financiare për blerjen e gjërave elementare ushqimore gjatë kësaj periudhe.
“Propozim për Qeverinë
Të merret vendimi për pezullimin në afat 3 mujor i të gjitha pagesave/kësteve të kredive që qytetarët ua kanë borxh bankave komerciale në Kosovë. Kjo masë duhet të ndërmerret me qëllim që qytetarët sadopak të kenë rezerva financiare për blerjen e gjërave elementare ushqimore gjatë kësaj periudhe.
Vetëm bashkë mund t’ia dalim. Solidariteti shoqëror i domosdoshëm!”, ka shkruar Selmanaj.
Ky propozim erdhi si rezultat i ndërmarrjes së masave parandaluese të Qeverisë kundër koronavirusit.
Sot gjatë ditës, dy persona kanë dalë pozitiv në testet për koronavirus. Këtë e ka konfirmuar vetë Ministri i Shëndetësisë, Arben Vitia, në një konferencë për media.
Bëhet fjalë për një 20-vjeçare nga komuna e Klinës dhe një 77-vjerar nga komuna e Vitisë.