Tre deputetë të Lidhjes Demokratike të Kosovës votuan kundër rrëzimit të Qeverisë Kurti.
Kryeparlamentarja Vjosa Osmani, deputeti nga Prizreni, Haxhi Avdyli dhe deputeti nga Suhareka, Ardian Shala janë tre përfaqësuesit e LDK-së në Kuvendin e Kosovës, të cilët për dallim nga deputetët e tjerë të LDK-së, votuan kundër mocionit të mosbesimit ndaj qeverisë.
Për mocionin e iniciuar nga Lidhja Demokratike e Kosovës, votuan 82 deputetë për, 32 kundër dhe 1 abstenim.
Tani pas votimit të këtij mocioni të mosbesimit, qeveria konsiderohet në dorëheqje.